Die zeit ist aÿn mal frwe vnter dem han geschreÿ gegen mitternacht ein
licht erschÿnnen. gleich dem tag. vnd hat ein stůndt lang gewert. Vnd
in mitler zeit ist der hÿmmel gantz Rot gewest. vnd darnach hat gefolgt
ein gros fÿnsternÿs Aúch findt man das die zeit. seint aůch dreÿ sůnnen
vnd dreÿ mond geseen worden. vnd das die stern am hÿmmel miteÿnander
gestritenn habenn.

Beÿ diesen tagenn hat es nach etlicher Cronickenn anzcaigůng getreid.
vnnd an etlichen endenn cleÿne fischlenn geregent.