vnd angenůmmen Aůsgeschlossen denn Marggraff Eckhart. dem ser
weh teth das er das Romisch Raich zůerlangen verhindert wůrdt.
vnnd Sprach zů Graff Lotharr also. O Lothar warůmb bistů mirr so
wider. Da antwort er. Darůmb das dein wagen des vierden rats
nicht hat. Also wart die wal vnternůmmen. Vnnd bis aůff den tag
gein Werla gelegt.

Da nůn der tag gein Werla angesatzt angieng Schicket hertzog. hainrich.
darnach der hailig kaÿser Hainrich genant. seiner Ritter ainen zů seinen
Můhmen des verstorben Romischen kaÿsers schwestern zů Frawenn
Sophia. vnnd Frawen Adelheÿden. Aůch zů allen Fursten des Raichs
die zeit daselbst versammelt. Welchen aůch allenn. er sein gewerb vleÿssig
antzaigt. mit milder erbietůng vnd zůsagůng vil vnd grosse gůter
zůgeben allen denen die seinem herren zů erwerbůng des hailigen
Romischenn Raichs beÿstendig weren. Daraůff alle Fůrsten
derselben Baÿrischenn botschafft mit aÿnhertziger maÿnůng zů
antwort gaben wie das hertzog. Hainrich. mit gotlicher hilf můst