Romischer konig erwelt werdenn. Beůor angesehenn das ÿm
das Romisch Raich als erblich an ÿn geraicht. gebůrt Welchs
aůch die Fůrsten mit aůffgeracktenn henden. also zů fůrdernn
gelobtenn.

Als nůn Marggraff Eckart vonn Meÿssen erfůr das die Fůrsten wolten
Hertzogen Hainrich. zů Baÿrn zů Romischen konig erwelen. stellet er sich
dermassen. also lÿd er es gedůldiglich. Da es aber abent war wordenn. vnd
gedachten des Romischen kaÿsers swestern mit sambt den Fůrsten in
dem herlichsten haws wolgezcirte stůl vnnd Benck gesetzt. vnnd ein
ser kostlich mall beraÿt was. nam dasselb haws Marggraff Eckart
mit hertzog Bernhart von Sachssen vnd etlichen andern eÿn. Vnd
ass darÿnnen. Welche schmehůng die frůmme Fůrstÿnne wiewol bereidt
betrůbt vil serer betrůbt. Vnnd ÿn. vnd andern herren ser mÿss
fiell Darůmb der alt hass wider ÿn vernawet wart. der sich
aůch kůrtz endet. dann wie geschriben steet. das hertz wirt mit hoffart vor
dem fall erhohet. Vnd vor der ere vnd glorien ernidert vnd gedemůtigt.