nidergeworffen. Vnnd kainer da mer wer todt dann Marggraff Eckhart.
gar ein teůr mann zů der that. vnd zů dem Rat. Aber
entlich Graff Seÿfridt ÿm dem nacken mit eÿnem Spiess
aůffhieb. vnnd zu der erdenn fellet Da solchs die andern
ersahenn. lieffenn sie alle mit grossen fraÿden zů. Vnd hieben
Ym den kopff ab. Vnnd das erbermblich laút. beraůbtenn ÿn
aůch also todt. Vnd geschalh [lies: geschah] am letzten tag des mertzen. Also.
zcogenn die teter nach vorbringůng diser geschicht frolich
vonndannen. Aber die aůff dem Podenn schlieffen. die důrfftenn
sich nit vnsteen ÿrm herren in seÿnen noten beÿstendig zůsein
nach sein todt zurechenn. Aber allein der abt Alflkar daselbst den
leichnam besůcht. Vnn [lies: Vnd] sein seel Got mit grosser andacht befall.
Welcher aůch entlich wart begraben in Sant Georgen můnster
vor Naůmbůrg.

Als nůn der Romisch kaÿser. Otto. zů der erdenn zů Ache bestatt
vnnd erlichenn begangenn was. geredten der merer tail der Fůrsten.
die dahin kůnmen warn Hertzog Herman vonn Swabenn
beÿstant zůerzaigenn. das hailig Romisch Raich zůerlangen
vnnd zaigtenn vil vermeinte vrsachenn an wie das hertzog.