Hainrich Von Baÿrn solt vntůglich sein. das Romisch Raich
zůregirn. Aber die Fůrstenn vnnd herren aůs den landen zů Sachssen.
zů Důringenn. zů Franckenn. Im Norckaw. vnd zů Baÿrnn.
mitsambt den Cůrfůrstenn Hertzog. hainrich. von Baÿrnn hart
zůfieln. vnd zů erlangůng des hailigenn Romischen Raichs stÿm
laÿsten. Als důrch gotliche verordnůng. vnd rechten erbfall zů
ainem Romischen konig erwelt. Derhalben aůch eÿnem
Erwirdigen Vater důrch gotliche schickůng also gesagt wart. Lieber
brůder dů hast freÿlich in gůtem gedechtnÿs. wie ein gemein red ist.
gewest vnter dem gemeinen Folck. wie das g ot nit welle das hertzog.
Hainrich von Baÿrn sal Romischer konig werden. Aber nůn sal
hertzog hainrich důrch gotlich schaffenn das Romisch Raich regirn
vnnd verwesen. Welchs aůch also ergieng. Wann alles das zů
dem gotlichen dinst vnd lob. vnnd zů allen weltlichenn sachen dient.
das fůrdert den hertzog hainrich zů dem hailigenn Romischen Raich.
vor allen andern Fursten des Raichs die zeit. Wann důrch sein súnder
grosse andacht. vnd wůndersam tůgent. vnnd streitbarkait erwarb
vnd macht er das er vberwůndt alle seine feÿndt vnd widerwertige.
vnnd machet ÿm dieselben gehorsam vnd vnterthenig. Hertzog
Boleslaw vonn Behem war aůch aůff hertzog hainrichs seÿten. Aber
hertzog Ditterich von Lothringen ein ser vernůfftiger Fůrst der wolt ÿr
kainem zůfallen bis er vernem. wo sich das maist Folck hin naÿget.

Nachdem aber Hertzog. hainrich. vonn Baÿrn. vnnd erwelterr