Romischerr konig sein erwelůng mocht lassenn besteten. zcog
er ann Reÿn beÿ worms mit den Baÿrn vnnd Francken vberzůfarn.
Aůff das er mochte zů Romischen konig an der gewonlichen Stadt
gesalbet werden. Aber hertzog herman hindert ÿn mit seiner listickait.
vnnd hett alle fůrth belegt. Als dis kaÿser hainrich sah tet er als er
zweiůelt an dem vberfarn. vnnd gleichsnot wider gein Baÿrn zůzciehen
vnd kam gein Lůrishaÿm. da die hailigenn mertererr Sant Nazariůs
vnnd Sant Celsůs rasten. vnd schnelliglichen wandt er sich widerůmb
vnd nam sein beste Ritterschafft mit ÿm. vnd zcog zů Meintz vber den
Reÿn sicher. Da er von dem ErtzBischoff Willigis wart gar wirdiglich
enpfangen. vnd zů ainem Romischen konig mit hilff der Bischoůenn
die der ErtzBischoff neben ÿm hett gekronet. Da benanter hailig
kaÿser. Hainrich. am achten tag des hewmonds zům andernn mall zů
aÿnem Romischen konig erwelt wart. Vnd Daraůff Romischerr konig
gekronet. Nach Cristi gebůrt Taůsent. vnd oder aber als etlich
haben Im andern. Als etliche Im dritten Ihar. Vnnd
dieser Romischer kaÿser. hainrich. ist des namen der erst kaÿser.
hainrich. vnd der annder Romisch konig gewest.

Darnach beschloss der hailig kaÿserr. Hainrich. das lanndt zů