das woltenn sie nit gestatenn. Derhalbenn sich ein grosser
straÿt daraůs erhůb. Aber entlich wůrden die Baÿrn vberwůnden. vnnd
flohen in den koniglichenn hoff. Daselbst aůch Graff Hainrich
des koniglichenn Cantzlers Eylbrechts brúder. des Romischen Kónigs
steten tischdiener mit eÿnem spies verwůndet. tot bleÿb. Demnach
die kongische sich sammelten vnd den Sachssen nachfolgten. Vnnd
wann hertzog Bernhart vonn Sachssen nit wer darzwischen kůmmen.
zůkůnfftigs vbel zůbewarn. So wer ein vbergros anzal der Ritterschafft.
erschlagen worden. Darnach gar kůrtz wůrdenn gestrafft alle
vrsacher derselbenn aůffrůrr.

Darnach zcog dieser hailig Romisch kaÿser Hainrich. gein Dinsbůrg
vnnd wartet daselbst der Lothringer. die lancksam kamen. vnd der