sein widerwertigenn ÿm zůweichenn bezwingenn. vnnd sein Raich
nach gewonhait seiner vorfarnn bestetenn Diezeit
der Bischoff von Strasbůrg. vnnd der Bischoff vonn Basell vonn wegen
des Romischen konigs die Stat Brisach Innen hetten. dieselb zůbewarn.
Derhalbenn ÿr Rewter teglich gewappent nach der fůtterůng aůszcogen.
Das mercktenn des hertzogen hermans vonn Swaben diener vnnd
gůnner. Vnd ainst da die Bischoffische in die fůtterůng wie vor
gezcogen warnn. hetten sie sich gleich ÿnen geclaÿdt. vnd ÿr pferde
aůch mit fůtter beladenn. vnd zcogenn also in die Stat singende.
Die daselbst von den hůtern fůr freůndt wůrdenn eingelassenn.
vnnd alsobaldt warffen sie ÿr bůrd vonn ÿn. Vnd meldten sich
mit laů ter stÿm fůr feÿndt. Vnd blůnderten die Stat gar aůs. Aůch
kamenn die Bischoffe kaúmet weg.

Als nůn die wetterliche zeit des Glentzen kam. zcog hertzog Herman