demůtiglichst lissen bitten. ÿn hilff vnnd beÿstandt zůerzcaigenn
Welche bit sie der Romisch konig geweret. Weÿl er aber důrch
anndere geschefft verhindert nit personlich kůnt erscheÿnen.
Schicket er wider der Lumbarder konig Hertzog Otto von kernten
Marggraff Ernst vonn Osterreich. vnnd Graff Otto von VerIůl
Oder FeroIůl. vnnd etliche anndere merr aůff hoffnůng des
zůgesagtenn Folcks von den Walen. die mit sambt den obengenantenn
herren in Lombardeÿ zciehen solten. Vnd den Lůmbardern aůs ÿrn
notenn helffenn. Derhalben also baldt der Lůmbarderr
konig erfůr das des Romischen konigs Folck kam. Aůch das
der ErtzBischoff Frid erich vonn Raůenna. vnnd Marggraff Teodolff.
mit andern getrewenn des Romischen konigs den kongischen vnnter
aůgenn zcogenn. ÿn zůhelffen vnnd sie anzůnemen. zcog er
mit eÿnem vbergrossenn wol gewappenten Folck gein Bernn sie
zůdrennen. vnd vonn einander zůbringenn. vnd gewan die Stadt
Clawsen mit gewalt. die der Bischoff bis aůff die zeit in bewarůng hett
vnterhaltenn.

Da nůn Hertzog. Otto. vonn kernten solche mere vernam.