Inn mitler zeit zcog konig. Hainrich. aůs dem Landt zú Baÿrnn
důrch Francken gein Franckfůrt zůraÿssen. Daselbst den hailigenn
Cristtag zůhaltenn. Inn welcher Stat er aůch in gegenwart hertzog
Hermans vonn Swabenn. gar vil Landt vnnd Nacion botschafft
gůtlichen vnnd gnediglichen hort. vnnd reichlichenn begabet. wider
heÿmgefertiget. Darnach fůr vber den Reÿn. vnnd hett eÿn
Gesprech beÿ dem wasser Mosell mit dem LanntFolck. Vnnd
nachdem er daselbst begert eÿn Ÿderman zů seiner gerechtigkait
zůfůrdernn. namenn zwen vermeinte hertzogen vonn Lothringenn.
Herman vnnd Ditterich fůr ÿn zůhindern. Aber vergebens. Wann der
Romisch konig gebot hertzog Hermans Castell genant Můlsberg
in grůndt vnnd also einzůbrechen. das es nÿmmer kůnt wiedergebawet
werdenn. Vnnd als Solch Schlos war gar eingebrochenn. erhůb
sich die Romisch koniglich Maiestat gein Ache zůzciehen
daselbst seines vorfarn vnnd vettern des dritten Romisc hen