Romischen konig. Hainrich. zů wissenn wart. Liedt er solch vnfall gar
gedůldiglichenn. vnd schreib alles vnglůck das sein Raich
beÿ seinen zeitenn vbergieng. allein seinen sůnden zů. Aber
nichts desterweniger schicket er sein botschafft zů hertzog
Boleslaw vonn poln. vnnd hertzog Boleslaw vonn Behem gefangen. vnnd
ÿm sein landt eingenůmmen hett. Mit enbietůng so er das Landt
zů Behem in nechstvorrůcktenn tagen. eingenůmmen mit seinem willen.
wolt In lehen nemen. Vnnd Im getrewlich dienen. So wolt er
seinem fůrnemen gnedigs zůfallenn geben. So aber nit. So
wolt er ÿm des gar in kaÿn weg gestaten. Welche konigliche
Botschafft hertzog Boleslaw gar vnwirdiglichenn entpfieng. wiewol
mit gar gnedigem beůelh kommendt. damit er aůch kůnfftigenn
Rach den ÿn vbergieng billich verdÿnt Also hielt der Romisch
konig die hailige Ostern zů Qůidlingbůrg. D aselbst er sich dermassen
stellet als geb ÿm des hertzogen Boleslaÿ boshafftig fůrnemen. mit
sambt des Marggraůen Im Norckaw mishandlůng nichts zůschaffen In
dem kam hertzog Otto. mit sambt Marggraf Ernst wider heÿm von
dem streÿt. darynnen sie den Sÿg verlorn hetten. Vnd wůrdenn aber
dennoch von dem Romischen konig mit grossen gaben begabet. der sich
aůch als eÿn gůtiger Vater gegen ÿn ertzaigt. Aůch verhort er der
wendenn vnd Lawsatzer botschafft gar gnediglich.

Dieser hailig Romisch kaÿser hat mit seiner gůtickait vnnd milde.