Weÿl aber dieser Romischer kaÿser So manchfeldig widerwertickaÿt
hett. vnnd mit seinem brůeder vnnd dem Hertzogen von Lothringen
kriegt. erhůben sich die Wenden aůch wider ÿn. Vnd verherten
das Lanndt zů Sachssen mit Brant vnd schlacht. an alles aůffhoren.
vnd verschmechten den Marggraůen Gero von Meÿssen den yn der
Romisch kaÿser zů ainem herren gebenn hett. Vnd vndterstůnden
sich. yn mit betriglickait zůtotenn.