So we r ich meÿns leibs vnnd lebens gantz vnsicher. mitsambt allenn
meinen gůtern. Da solchs hertzog Boleslaw erfůr. schicket er ein
Legion rewter eÿlends an die Elbe. die fůrt heÿmlichenn zůerfarnn.
Daraůff er aůch am morgenn mit dem gantzen heer nachfolget. vnd
da er zú der Stat Strela kůmmen was. Welche seiner tochter morgengab
was. gebot er das sich nÿmants solt forchtenn. Aůch das sie kain
geschreÿ soltenn machen. damit die nachbarn sein ankůnfft erfůrnn.
Also bald lies hertzog Boleslaw sein heer in vier haůffenn taÿln. Also
schicket er zwen hawffenn vorhin zůbewarnn. aůff das die seinen von
dem Marggraůen nit beschedigt wůrden. Die andern haůffen
raůbtenn vnnd verderbten das Landt zů Meyssenn. Vnd nachdem es vor
der besten landt eÿns gewest was verderbten sie es in eÿnem tag. Aůch
liessen sich die Poln daran nit begnůgen. Sůndern treiben aůch das Folck hin weg.

Aber die vonn Mogalin gebrauchten ein listickait wider die Polnn
Da sie vonn ÿn so grÿmmicklich wůrdenn angefochtenn. Wann sie