der hailig Romisch kaÿser den Bischoff vonn Wÿrtzberg.
vnnd Herrnn Erckmewald Apt zů Fůlda die Stat Schweinfort die zeit
benants Marggraůen Hainrichs zůůerbrennen vnnd zůůerstorn. Welche
des Marggraůenn hainrichs můter Fraw Eÿla ein gar entreich [lies: tůgentreich] weib
wirdiglich entphieng. Vnd da sie der Romischen koniglichen Maiestat
gebot vnnd maÿnůng vernam. eÿlet sie zůstůndt in die kirchen. vnd bedingt
sich. sie wolt sich lieber daselbst lassen verbrennen. dann das
sie wolt. mit leben so die kirchen brent heraůs. geen.
Derhalben benante konigliche botschafft ÿr fůrnemen. vnd der koniglichen
Maiestat beschlies vmb Gottesforcht willen hindan gesatzt menschlich
forcht wandelten. vnnd liessen die Statmaůrn vnd annder gebew
gar niderlegen. vnd trosten die betrůbte Grefÿn damit. das sie wolten
die Stat wenn es mit der koniglichenn Maiestat willen gescheenn
wid er vonn newem bawenn.

Als nůn der hailig Romisch kaÿser merbenantem Marggraüen