Vnter solchen itztvermelten sachenn vergas. der hailig Romisch kaÿser.
Hainrich. nit der Iniůrien vnnd schmeůng So ÿm. vnnd den seÿnen In
vorzeiten. von den Lůmbardern widerfarn was. Derhalbenn er
aůch alle des hailigenn Raichs vnd seine getrawe dieselben zůrechen
vermanet. vnnd beschlos Im eingang der nechstkůnfftigen Fastenn
mit ainem heer in Bůrgůndien zúzciehenn. Darůmb er vonn
Mersbůrg gein Magdebůrg zcog. vnnd daselbst Sant Maůricienn an
seinem hailigenn tag Inniglichenn. vmb glůckselickait seÿnes zcogs
bat. ÿm solchs beÿ Got almechtigenn důrch sein hailige vorbit.
zůerwerben. Darnach zcog er důrch das Lanndt
zů Důringenn vnd Francken. vnd kam gein Regensbůrg Da er ein
koniglichenn Reichstag hielt. vnd seinem Ritter aÿnem. Hainrich das
hertzogthůmb zů Baÿrnn. mit verwilligůng aller der Ihenigenn