die da warnn. leÿh Hernach zcog er gein Aůgspůrg. Da er von Bischoff
Seÿfrid daselbst alle r Priesterschafft vnd dem gantzen gemeÿnen Folck.
gar wirdiglichenn wart entpfangen. eingefůrt. vnnd gehalten. Vnd als
er zwů nacht daselbst gelegenn warr. gesegent er die hailige Romische
konigÿn Sannt kůngůndt. vnnd erlawbt ÿr wider in dass
Lanndt zů Sachssen zůzciehenn Deshalben er sie aůch dem ErtzBischoff
Taginon von Magdebůrg getrewlichenn befalh. Darnach zcog er gein
Thsonga mit seinem heerr. Daselbst herr Brůno des Romischenn
konigs brůder aůff grosse vorbit der Vngarischenn Potschafft. dem Romischen
konig geantwort wart. Vnd nachdem diser Brůno neben des konigs von
Vngarn vorbit. vntertheniglich vmb gnad bat. wart er in gnad
genůmmen. Darnach zcog der hailig Romisch konig důrch die Grafschafft Tÿroll
gein Trient. da er aůch den hailigen Palmtag hielt. vor sich. vnd
sein můd heer dasselbig hoch fest ein erqwickůng vnd ergetzůng zůnemen.

Als nůn der Lůmbarder konig Hartwig erfůr das der Romisch konig keme.
schicket er vil gůter Lewth. die Clawsen zůbewarn. Vnd erschrack
der Romischen koniglichen Maiestat zukůnfft serr. Darumb er aůch ein
heer zusammenbracht. vnd leget sich in das feldt vor Bernn. verhoffendt