Als Marggraf Gero der Wenden listig fůrnemen. vermerckt. kam er
ÿr betriglickait mit seynem listen. Vnnd da sie Foll vnd trůncken
warnn. erslůg er beÿ Dreÿsig Wendische Fůrsten in ainer nacht.
Als er nůn nit gnůgsam vermůgen hett. alle wendischen Nacion
mit seynem Folck zůbekriegenn. bat er den kaÿser vmb mer Folcks.
Wann die zceit warnn aůch die Obotriten vom Kaÿser
gefallenn. vnnd hetten die kaÿserische soldener mit sambt yrem
Hewbtman Haÿca genant erschlagenn.