Wart. vnnd von ÿrem obenbenantem tÿrannischen konig Hartwig
getaÿlt. dem Romischenn konig von Got zů dem hailigen Romischen
Raich gefordert vnnd gekronet mit ÿrer flůcht ein eingang offent.
Also namen die vonn Bernn den Romischen konig zům ersten an. vnnd
erfraweten sich gar hochlich das entlich ÿr hannthaber vnnd Schůtzherr
wer kůmmen. vnd ÿr betrůber. wůtrich. vnd Iammermacher vertriben
wer. Derhalbenn Marggraff Theodolff sambt seinen helffernn
dem Romischen konig. des ankůnfft sie langezceit mit grosserr senůng
hochbegirlich gewartet hettenn. vnter awgen zcog mit mercklicher fraÿd
das Sie die zeit erraicht hetten. das sie mochtenn ÿr heÿmliche getrewe
wolmaÿnůng. dem Romischen konig eroffen. Mit disen vnd anderm seinem
zcog heer [lies: heer zcog] der Romisch konig gein Brixien Da er vonn dem Bischoff
Adalberon in gedachter Stat. aůch vonn de m ErtzBischoff vonn Raůen
vnd von der gantzen Lantschafft gar loblichen wart angenůmmenn. Darnach
zcog er von Pergam gein Paůÿ. da er von dem ErtzBischoff. vnd von
dem Landt Folck aůch erlichen wart entpfangen. vnd mit grossem pracht
vnd lobgesanng in die kyrchen gefůrt. vnd in den koniglichen stůl gesetzt.

Nachdem aberr alle sachen diser vnbleiblichen welt. vnstete vnnd ver