genglich sein. erhůb sich gleich an erst genantem tag daran der hailig
Romisch kaÿser Sannt. Hainrich. So wirdiglich geert. wart. ein
grawsam aůffrůr. vnnd wie ser sein koniglich Maiestat geert wart. So
hoch wart sie aůch denselben tag. geschmeet. Dann vnter
der bestenn fraÿd. begab sich ein grosse zweÿtracht in der Stat Paůÿ
vnnd důrch die vbermas der trůnckenhait gar aůs weniger vrsach.
nechst bescheen aÿdt. gelůbd. vnnd aÿnůng schentlich zerissen
wart. Wann die Bůrger zů Paůÿ bewapenten sich wider den Romischen
konig. vnnd zcogenn mit gewalt fůr das koniglich Palast. vnd beůor
die Ihenige die dem Romischen konig wider. Vnd die konig hartwig
vonn Lůmbardeÿ gůnstig warnn. In dem wart der Romisch konig
ÿnnen wie das gemeÿn Folck důrch vnsÿnnickait waghafftig vnd
in enporůng vnnd willens werr. eÿn grose aůffrůr wider ÿn zutreiben
. wůtet gar schier das ganntz Stat Folck. dem gemaÿnen Folck
zůfiell. vnnd derhalben seiner koniglichen Maiestat ein grossser
hon. wo es nit fůrkommen wůrd aůfsteen. Solches vnůersehen zweÿtrachts vnd
vnwillens verwůndert sich der Romisch konig. Vnd also die Bůrger
vonn Paůÿ mit gewalt fur das koniglich Palast gezcogenn warnn.
befalh der Romisch konig dem ErtzBischoff heribrecht vonn Colnn.
amfenster mit den von Paůÿ als der welschenn sprach verstendig.
zůredenn. Vnd sie zůfragen vrsache solcher grawsamen vermůtůng
vnnd freůelichenn enporůng Vnnd hies an sich haltenn. Aber
er wart mit menige der steÿn vnnd pfeÿll weg getriebenn vnnd
abgeweist. Also vbtenn die von Paůÿ grossen gewalt. vor dem
koniglichenn Palast. vnd stůrmten lang. Aber die kongische tettenn
mennlich gegenwer. Da es nůn lang geweret hett. vernamen
die kongische hin vnnd wider zůtaÿlt. das wůnder grawsam geschreÿ
sammelten sich heůffig zů dem konig. vnd tr eiben die feÿndt
ab. die noch etlicher massenn vnsÿnniglich lebtenn. Aber nachdem sie
důrch den eingang der nacht. aůch zům taÿl důrch manchfeltig
steÿn vnnd pfeÿl verhindert worden. kůnten sie nichts sůnders aůs
richtenn. Derhalbenn die kongische die Stat anstecktenn
vnnd da die kongische so noch aůsserhalb der Stat warnn dis gewar
wordenn. stÿgenn sie in die Stat. vnnd teten grosse vnd menliche
gegenwer wider die feindt. Daselbst aůch Pfaltzgraff Gÿselbrecht
der hailigen Romischen kaÿserin Sannt. küngúndt. brůder verwůndt
starb. Welches tot der Ritter Wolfrann Ritterlich roch. vnd erschlůg
den Ihenigenn der ÿn entleibt hett. Aůch was die kongische von
Paůÿischen bůrgern lebent fiengen. die antwortenn sie alle dem
Romischenn konig Vnnd zůstůndt das haws darÿnnen die kongische
lagen angieng. Dadůrch sie aůch bewegt wůrdenn destermenlicher
Yr leÿb vnnd lebenn zůrettenn. In mitler zeit die Teůtzen vnnd