zůhaldenn einfiel. vnd darÿnn nit mer lewt verdorbenn dann
ein Priester mit sambt einer gebantenn Frawen. zů der er sich
zůůil hielt. Also brach er sein beÿn. vnnd starb daůon. Vonn
dannenn zcog der hailig Romisch kaÿserr gein Meintz. vnd eret
Sant Peters vnnd Paůls Fest gar erlichenn. Darnach zcog
er důrch das Lanndt zů Franckenn in das Lanndt zů Sachssenn. da
er den homůt der freůeln wenden. Vnnd Hertzog Poleslaw
vonn polnn zůtempffen. allen des hailigenn Romischen Raichs
vnnd seinen verwanten gebot zům krieg aůff nechstkůnfftigen
Aůgstmond gerůst zůsein.

Da sich nůn des Romischen Raichs vnnd konigs Folck aůff ernante zeit
sich zů Mersbůrg versammelt hett. beschlos der Romisch konig heimlich
vber sein feÿndt zůzciehenn. Wann als der Romisch Konig
sich dermassenn stelt. als wolt er mit seÿnem heer Inn Polnn zciehen.