fůgt sich dieser Romischer kaÿser gein Satz. die Stat also genannt.
Inn welcher die Bůrger die thorr dem Romischen konig offenten. vnnd
erschlůgen der Polnn Folck darÿnn ligendt Da aber der
hailig Romisch kaÿser sah ein mercklich anzcall des erschlagen Folcks
wart er aůs erbarmůng beweget. die anndere Inn aÿn kirchenn
lassenn zůschliessenn.

Darnach hertzog Jaremir aůs beůelh des hailigenn Romischen kaÿsers.
mit der bestenn Ritterschafft vorhin zcog. Hertzog Boleslaw
entwerr zůfahenn ader zů totenn. vnnd kam also gein Prag. Solchs wart
verrkůntschafft Hertzog Boleslaw Derhalbenn also baldt
er des warhafftige botschafft erlangt. Schicket er sich zů der flůcht
sich heimlich von dannenn zůmachen Darauff er in
nechstfolgender nacht als er hort. die glockenn zůsammen schlagenn. in
der nechstenn Sttat. Wissegrat in krieg zůzciehenn. mit seinem.