Folck aüszcog. vnnd die flůcht gab wider in sein Lanndt zů Polnn. Welchem
Zcobislaw Sannt Adalbrechts brůderr. nachfolget. vnnd aůff der Brůcken
verwůndt starb. Aber aůff nechstfolgendenn tag kamen die Lantschafft
zusammen. vnnd als der Hertzog Jaremir fůr die Stat kam. wart err
eingelassenn. vnd mit grossen fraÿdenn wider eingefůrt Derhalben
er aůch nach hinlegůng voriger geringenn claÿdůng sich herrlic h claÿdt.
vnnd wart daselbst fůr ÿrn herrenn von den einwonern aůsgerůffenn.
Daraůff er den Ihenigenn die ÿm getrawe dinst gelaist hettenn reiche
belonůng zůsaget. Also kam ein mercklich anzall der Ritterschafft vnd
des gemaÿnen Folcks zůsammen. des Nawen Hertzogen gnad zůerwerben.
Aůch zům tayll des hochloblichen Romischen konigs ankůnfft zůwarten.
vnnd sein Romische konigliche Maiestat wirdiglich zůentphaenn.

Als nůn der Romisch konig kam. zcogenn seÿner koniglichen Maiestat.
entgegenn. Hertzog Jaremir. vnnd Bischoff Thieddag mit einer
vbergrossen anzcall der Priesterschafft. vnnd des gemaÿnenn Folcks. vnnd
wart mit grossem gepracht entpfangen vnd angenůmmen. Vnnd In
Sannt Georgen kirchen eingefůrt. Daselbst Hertzog Jaremirr