Da nůn Marggraůe Gero mer Folcks vom kaÿser vberkůmmenn
hett. beschedigt er die Wenden ser. vnnd hett sie gar schier in grůndt
verterbet. Aber sie erwelten nichts desterweniger mer den krieg.
dann frid zůhabenn. Wann die Wenden warn ein hart
vnnd ser arbeitsam emsick tetig Folck. vnd geringer kost vnd grosser
můhe vnnd arbeit so gar gewoneth. das alles die kayserische fůr grosse
beschwerůng achten Sie fůr eÿn lůst. schatzten Also kriegtenn
die Sachssen vnnd Wenden vil tag vnnd zceit widereinander. Die
Sachssenn ÿr Ere. glorienn. Vnd herrschafft zůmern. Vnnd die
Wenden ÿr Freÿhait zůvnterhaldenn.