Stat wart gezcogenn. Dergleichenn ein annder gůter mann mit namen
Tammo ein trefflicher Jheger als er den feÿnden in dem wasser der Sprew
menlichenn widerstant thett. fiel er zůletzt vonn schliffrickait der steÿn
nider vnnd starb. von der entpfange n wůnden. Aůch desselbenn diener aÿner
da er seinem herren rettůng wolt ertzaigen. aůff das er nit geletzt wůrdt.
ader das sein leichnam nit von den feÿndenn gestolnn wůrdt. wart er mit
eÿnem Spies důrchstochenn. Daůon er aůff sein herren niderfiel vnd starb.
Als nůn dise obgenante Stat důrch lang kriegenn gar schier gewůnnen was.
wart sie dem Romischen konig aůff geheÿs des hertzogen Boleslaw geoffent.
vnd vbergebenn. Daraůff sie mit nawen lewten bewart vnd bestelt wart.
vnd nach dem des Romischen konigs heer vom hůnger vnd weg mat was
wordenn vnd fast můde zcog er wider heÿm. Vnd allen Marggraůen in seÿnen
Landen mercklich hilff vnd steůr darstreckt. Vnd als er zů Mersbůrg Lag.
ein weÿl sich mit růhe zůerqůicken. wart er verstendigt das der Graff Ezico
gestorben was. Derhalbenn er personlich desselbenn Corper annam.
vnd in Sant Joannes kirchen gegen mitternacht aůffs aller loblichst lies
begrabenn. Welchs selen zů ha il er aůch ein Sitz Vphawsen genant vnd
zwen silbern leůchterr den brůdern daselbst Got dient zů aÿgen gab. Aůch
gab er Bischoff Wigbrecht die kaůfflewth vnd Iůden wider. die Grafschafft
der Stat Mersbůrg leÿh er Graůen Burckhart. Aůch leÿh er aÿnem Thietbern die
herrschafft vber Viehr Stete aůff der Milda gelegen. Die andern gůter behielt
er fůr sich. Er lies aůch aůs dem gefencknÿs Marggraff Hainrich oftmals genant.

Die zeit warnn die Friesen dem hailigenn Romisch Raich. vnd der Romischen