Koniglichenn Maiestat vngehorsam. Darůmb das sie sich verhofften.
důrch ÿr gegent. vnnd vil wasser vor aller Frembden gewalt freÿ vnd
sicher zubleybenn. Derhalben diser hailig Romisch kaÿserr
vber sie aůff dem wasserr mit aÿnem grossenn heer zcog. vnd bezwang
sie mit dem aÿdt sich dem hailigenn Romischen Raich widerůmb zcins vnd
dingpflichtig zůergeben. Vnd machet sie also dem Romischen Raich
wider vnnterthenig.

Darnach zcog derr Romisch konig gein Magdebůrg. vnnd gebot allenn Fůrstenn
des hailigenn Romischen Raichs sich wider die Polnn zůrůsten vnnd
beÿ der Pene der kaÿserlichenn acht. sich zůůersammeln aůff den
Sechzehenden tag des Aůgstmonds. Im Fůnfftenn Iar seines Romischen