Raichs vnnd Im Jhar nach cristi gebůrt. Tausent vnd darnach im Sechsten Jharr.
Also kam das heer aůff ernentenn tag zůsammen. Da nůn der Romisch
konig. Vnnser lieben Frawenn hÿmmelfart fest. zů Magdebůrg loblichenn
gefeÿrt hett. zcog er mit der hailigenn Romischen konigÿn vber die Elbe.
Ordent das heer zů Lÿezick. vnnd als er dasselb aůsgericht hett. lies er die
Romische konigÿn wider anheÿm zciehen. Welche mit trawrickait
vonn ÿrem herren. dem Romischen konig abscheÿdt. Da nůn der Romisch
konig ein weg gezcogenn was. zcog ÿm vnnter awgen Marggraff Hainrich
vnnd hertzog Jaremir das koniglich heer mit hoffnůng vnd sterck zůerfůlle
n. Aber das kaÿserisch heer wart von den gedachten listigen
hawbtlewthen vmbgefůrt. vnnd důrch vil vnnůtz vmblaÿtůng Inn aÿnsamen
gegenten vnd pfutzen ser beschwert. vnd verhindert die feÿndt leichtlich vnd
bald zůerraichen. Darnach kam des Romischen kaÿsers heer
in die gegent Nize genant. Da sich der Romisch konig an der Sprew
zů feldt leget. Daselbst ein trefflicher Ritterr Thetbern. da er erfůr
das die wenden aůff ainer saiten den kongischenn schaden zůfůgtenn.
Wolt er als ein loblicher tewrer Ritterr solchs nit leÿden. Vnd sůnderlich
preÿs zůerwerbenn. las er die besten vnnd fůrnemsten aůs seÿnenn
gesellenn. zůůersůchenn ab er die genante wenden mocht alle fahen.
Aber die wenden warn leÿder zůůorsichtig. Vnd damit sie mochten den
kaÿserischen grossernn schaden zůfůgen. Wenn sie ÿn nachfolgten
verrstecktenn sie sich hinter holtzhawffenn. Vnnd da die kongischÿn ann
dieselben endt kamen. schossenn sie aůff den mergedac hten Ritterr
welchen sie zům erstenn. Vnd darnach Bernhart Vsin. Vnd Benno Bischoff
Arnolffs vonn halberstat brůder baÿde Ritter. mitsambt vil anndern
niderwarffen vnnd berawbten. Derhalbenn der Romisch
konig vnnd all sein heerr ser erschrack. Darnach ein tag daůor als die
kongischenn vber die Oder woltenn farnn. fůgten sich derselben gegent
lewth. Aůch zů des Romischenn kaÿsers heer. dem Romischenn konig.
zůhelffenn. Vnnd als sie also miteÿnander an die Oder kůmmen warn.
legtenn sie sich zůfeldt an ainem wasserr Wendisch genant die Pober
Demnach hertzog Boleslaw zů Crossne mit aÿnem grossenn heer lag. dem
Romischenn konig allenthalbenn zůwern. das er nit kůnt vbergefarnn.
Da aber der Romisch konig sÿeben tag daselbst war still gelegen. bis
er schiff vnnd Brůckenn beraÿt vberzůzciehenn. schicket er etliche
der seinen aůs. die důrch gotlich schickůng. ein ser gůt vnnd beqůeme
fůrt fanden. In welch sich aůch aůff den morgenn vn ter dem
temer aůff koniglicher Maiestat beůelh Sechs Legion gaben. vnd alle
glúcklichen vnnd vnůerletzt vberkamenn. Also bald solchs des
hertzog Boleslaw kůntschaffter vonn ferns merckten. gabenn sie solchs
ÿrem hertzogen zůerkennen. Da er solchs důrch vilfaltig vnd
warhafftig botschafft erfůr erhůb er sich mit allem seinem Folck. vnd
zcog eÿlendt vondannen. Vnd lies hinter ym vil gůts vnd gezewgs.