Dieser hailig Romisch kaÿser hat aůch Hornebůrg wiederr
zů rettůng seiner Lanndt zů Sachssen gebawet. Welchs In
vorzeitenn zůstort was. Aůch bracht er wider an das Landt zů
Sachssenn alles das daůon mit gewalt entpfrembdet war. Er
verbot aůch beÿ schwererr straff das die Cristenn den vnglawbigen
nit soltenn verkaůfft werdenn. Vnnd stifftet vnd verordent súst
vil gůts vermittels gotlicher gnadenn merr.