sein frům sein. Wenn man nicht allenn vleÿs hett aůch andere lewth.
frům zůmachen. Derhalbenn bekert er konig Steffann von Vngarnn
zům hailigenn cristlichenn glawben. Vnd mit ÿm das Lanndt zů Vngarn
vnnd als er benanten konig Steffann zů Vngarnn bekert hett. vertrawet
er ÿm eelichen sein Swester Gÿsell die er ÿm aůch nicht ee
wolt gebenn. bis er den hailigenn glawbenn hett angenůmmen. Welcher konig
Steffann zů Vngarnn der Erst Cristenlich konig zů Vngarn ist gewest.
vnnd entlich hailig worden. vnd ain hailigen Sůn Sant Emerick nach
ÿm konig zů Vngarn erlangt. Man findt aůch in etlichen aldenn
Cronicken. nach dem der hailig konig Steffann von Vngarn. hett vmb des
hailigenn Romischen kaÿserr. hainrichs. schwester zů der hailigenn ee.
werben. das ÿm der hailig Romisch kaÿser hab nicht wollen zůsagenn.
vnd vertrawen bis er sampt seinem gantz Raich Cristen wordenn seÿ.

Nachdem nůn gemeÿniglich gůtem weter Regen vnd ander vngewitter folget.