vbell erzcaigtenn. Derhalbenn sich genanter Bischoff vnd sein
nachkommen in vnvberwintlichenn schaden fůrt. Wann ein Closter
diezeit vor der Stat Metz gelegen. wart von den kongischen verderbt
vnnd eingebrochenn. Wiewol der Romisch konig diesen schadenn
darnach erstatet. von seinen aigenen gůtern. vnd beÿ schwerer půs verbot
dermassen mÿstat an gaistlichen gutern zů vben Aůch wůrden
beÿ Neůnhůndert person důrch hůnger vnd ander not bedrůngen aůs
dem Landt an verwilligůng der vorweser zůzciehen. Aůsgenůmmen. die
Ihenige die mit wissen vnd willen. der obersten von dannen zcogen. also
bracht der Romisch kaÿser diese feÿndt aůch zů Frid.

Darnach betracht der Romisch konig beÿ ÿm die grossen vnnd manch
feltige schedenn vnnd schmehůng von dem hertzogen Boleslaw vonn
Polnn ÿm abermals bescheen. vnnd gebot nach Ostern allen seÿnen