Dann er hett ein Vettern der ain ainiger vnder allen Wendischen Fůrsten
lebend blÿbenn was. Denselben bat er zů ÿm vnnd nachdem er ÿn mit
Listenn zů sich gebracht hett. Fieng er ÿn. vnnd erstach ÿn von
stůndt. Darnach vnterwarff er die Stat Brandenbůrg mit sambt dem gantzen
Lanndt dem Romischen kaÿser Deshalben alle wendische
Nacion bis an das wasser die Oder gnant sich vnter des kaÿsers gewalt
gaben. Wiewol der Dhenen vnd Obotriten krieg noch vnbericht stůndt.

Vnlang darnach fieln die Wenden abermals vom Romischen kaÿser
Welcher krieg serer dann vorhin vberhandt nam. Darůmb das sie