Jn mitlerr zeit wart die Obirste Thůmkirchenn zů Bamberg
gebawet als nůn des hailigenn Romischen kaÿser. Hainrichs. gebůrt
tag kam. Im Jhar seines lebens dem Fůnffvnddreÿssigsten. fordert
er mit eÿnem koniglichen Mandat alle Fůrsten vnd herren aůff den
sechsten tag. ader als etliche habenn am sÿbenden tag Maÿ
zů Bamberg beÿ der kirchweÿhůng benanter nawen Thůmkirchenn.
zůerscheÿnenn. Also wart dieselb lobwirdig kirchenn důrch herrnn
Johansen Patriachenn von Aqůileia geweihet. mit hilff vnd beÿstandt
mer dann dreÿsig anderer Bischoůe Aůff demselben tag strafft der
Romisch konig Bischoff Ditterich von Metz. das er ÿn vnbillich
in sein schrifften gegen der Bebstlichenn hailickait verclagt
hett. Vnd wůrden vil grosser sachen gar vernůfftiglichenn vnd wol
daselbst aůsgericht Vondannen zcog der hailig kaÿserr.
hainrich. wider gein Mersbůrg. vnnd hielt Pfingstenn daselbst Da