aůch der ErtzBischoff Tagino vonn Magdebůrg kranck wart. vnnd also
am zcehenden tag Jůnÿ oder des hewmonds selicklichenn aůff
dem Schloss Spůzin itzt Rodenbůrg genant in Got verscheÿdt
Da benanter ErtzBischoff Tagino vonn Magdebůrg verschÿden was.
setzt dieser hailig Romisch kaÿser herr Walthart ThůmProbstt
zů Magdebůrg zů eÿnem ErtzBischoff zů Magdebůrg zů Grona.

Der hailig Romisch kaÿser beschlos zů Grona vber sein Schwager
Hertzog Hainrich vonn Baÿrn mit eÿnem heer zůziehen. Darůmb
das er dem Bischoff von metz. wider sein Maiestat geholffenn
hett. Beschlos aůch mit den Fůrsten aůs dem Landt zů Sachssen wie
vnnd Welcher gestalt. mann solt die sachenn wider hertzog Boleslaw von