Polnn fůrnemenn. Derhalbenn der hailig kaÿserr. hainrich.
die sach ganntz dem nawenn ErtzBischoff vonn Magdebůrg befalh.
vnnd als der hailig kaÿser hinweg gezcogenn was. wart der Ertzbischoff
gebethen důrch botschafft des hertzogenn von polnn eÿn frid mit
ÿnn. zůmachenn Bleÿb aber nit lenger dann zwů nacht beÿ ÿn. Vnd nachdem er
kůnt nichts frůchtbarlichs mit ÿn geenden. vererten sie ÿn mit grossen
gaben. vnd liessenn ÿn wieder von dannen kůmmen. In dem kam das
koniglich heer zůsammen. aůff den nechstten tag nach Sant Marie
Magdalene tag zů Trebentz. Vnd zcog nach Belgernn. Vnd nachdem der
hailig kaÿser noch aůssen warr. sahen die Fůrsten fůr das best an.
abwesens seÿner Maiestat nicht weiter zůzciehen. Als sie aber die Marck
aůffs sterckst so Sie vermochten bewart hetten. Vnd zcog darnach weg
In mitler zeit Hertzog Vlrich seinen Brůderr Hertzog Jaremirr
Vonn Behem aůs dem Lanndt vertreÿb.

Zůstůndt als hertzog Boleslaw vonn Poln erfůr das der ErtzBischoff
Balthart vonn Magdebůrg gestorbenn was. bracht er ain Heerr.