Es kam ain mal fůr den hailigen Romischen konig wie das die
zwen Marggraůen Wernherr vnnd Eckhart an seÿner koniglich
Maiestat wissenn vnd gůnst zů dem hertzog Boleslaw von Poln.
gezcogen wernn Vnd vil gesprechs vnd vnterredůng mit
einander hettenn. die wider seine Maiestat wernn. Welchs alles
dem Romischen konig ser entgegen war. Vnd derhalben sie baÿde
fordert vor ÿm zůerscheÿnenn. Als sie aber nit dorfften kůmmen. Nam
ÿn der Romisch konig alle Ir gůterr. vnd thet sie Inn die Acht.
Wiewoll Marggraff Wernherr darnach des Romischenn konigs gnad.
vnd sein gůter mit grossem gelt wider erlangt. Aber
Lang hernach Marggraff Eckhartt důrch getrewe vorbit zů solchenn
gnaden vnd seinen gůtern kam. Darnach kam der Romisch konig
gein Werla. Vnd lag lanng kranck an der Colica. Inn welcher seiner
kranckhait ÿm nach anzaigůng etlicher Beschicht [lies: Geschicht] Lerer vil sachenn