důrch gotlich ordnůng verkundet wůrden, Entlich erlangt der hailig
kaÿser. Hainrich. důrch vil frůmmer lewth getrew vorbitt vnnd
weÿnen sein gesůntheit wider. Vnd hielt die hailigen Ostern mit seinem
liebenn freůndt Bischoff Meinwerck vonn Padeborna daselbst.

Darnach hielt der hailig Romisch kaÿserr die hailigen Pfingstenn zů
Mersbůrg. zů welcher zeit Hertzog Boleslaw vonn poln aůch dahin
kam gentzlich des hailigenn Romischen kaÿsers. hainrich. gnad
zůerlangen. Mit behaldůng daheÿm vmb mererr sicherheit willen
der menner so ÿm der hailig kaÿser zů eÿnem pfandt zůgeschickt hett.