Also wart er vonn dem hailigen kaÿser. Hainrich ser gnediglich
angenůmmen. Vnd am hailigen Pfingstag vonn ÿm Ritter geschlagen.
Am andernn Pfingstag gab er dem hailigen kaÿser grosse vnnd vill
geschenck. Des gleichen aůch der hailigen kaÿserÿn Sannt. Kůngůnden.
Daraůff der Hertzog Boleslaw aůs kaÿserlicher milde vil mer vnnd grosserr
gab entpfieng. vnd mit grossenn gnaden wieder heÿm zcog.

Darnach schicket der hailig Romisch kaÿser. hainrich. sich in Jtalien
gegen Rom zůzciehenn mitsambt seiner liebenn gemahell der hailigen
Romischen kaÿserin Sannt kůngůndt. Inn maÿnůng nach Bebstlicher
Ordnůng vnnd aůssatzůng newlich daůor aůsgangen die kaÿserliche
kronn von Bebstlicher hailickait anzůnemen. Vnnd zcog