Nach Cristi gebůrt Taůsent vnnd darnach Im Dreyzcehenden Jar in
der drittenn wochen des Monats hornůng Im dreyzcehenden Iar seines
Romischen Raichs aůff ainem Sůntag kam der hailig Romisch
kaÿserr Hainrich. zusambt seiner gemahell mit zwelff Senatorn vnd
Rethen. von welchen sechs bert hettenn. vnd sechs an bert warnn mit
ÿrn sceptern in das hochwirdig můnsterr der hailigen Apostell
Fůrstenn Sant Peters vnnd Sant Paůls zů Rom. Auff welche aůch
die Bebstliche hailickait. mit sambt der gantzen gaistlickait daselbst
harret. Ee aber der hailig Romisch kaÿser in die kirchen gefůrt
wart. wůrd er von der Bebstlichenn hailickait gefraget. Ab er der
hailigen Romischen kirchenn wolt ein getrawer vorsprecher vnnd