Schůtz herr. vnnd ÿm vnd seinen nachkůmmen in allen sachenn
getrew sein. Daraůff der hailig kaÿser. Hainrich. gar andechtiglich
anntwort er wolt solchs also thůn. Darnach wart er in die kirchen
gefůrt. Vnnd entpf ieng da von der Bebstlicher hailickait mit sambtt
seiner gemahell derr hailigenn kaÿserin Sannt. kůngůndt. die Romische kaÿserliche
kron vnnd salbůng. Darnach die Bebstliche haÿlickait dem
hailigenn kaÿser Hainrich. vnd der hailigen kaÿserin Sant Kůngůndt.
am selben tag beÿ Sannt Joannis Lateran ein kostlich malh berait.
vnd den tag in aller frolickait miteÿnanderr zůbrachtenn.

Darnach zcog der hailig kaÿser. hainrich. zů Rom mit einem heerr aůs.
vnnd lies sein liebe gemahell die hailige kaÿserin Sannt.
kůngůndt. zu Rom. Vnnd vertreÿb die Saracenerr oder haÿdenn.
die sich vor Capůa gelagert hettenn. Vnd verIaget sie aůs welschen
Lannden.