Da nůn der hailig kaÿserr. hainrich. wider gein Rom kam. begab
sich aine grosse aůffrůrr zwischen dem gemaÿnen Folck. vnd den
kaÿserischenn aůff der Tybůrbrůcken. Es bleiben aůch baidersaits
vil tot. Aber entlich wart der streÿt vonn der nacht entschaiden.
Solche aůffrůr machtenn dreÿ Teůtzsche. hůgo. Hetzell vnnd Ezelin. Von
welchen zwen gebůnden vnnd gefangen in Teůtzsch Lannt gefůrtt
worden. Der dritt kam in welchsen Landen darůon. Darnach
zcog der hailig kaÿserr. hainrich. gein Paůÿ. vnd nach dem er gross
vnbestendickait in den Lůmbardern befandt. bestetigt er sie.
vnd legt alle vnaÿnůng. Spen. vnnd zwitracht in den selben Landen
hinweg