sig bittendt das er wolt eindechtig sein ÿrer mogenschafft vnd angebornen
Freůntschafft vnd sich vntereinander veraÿnen vnd verbinden. Damit
sie ÿrnn feÿndenn. vnd zůůor dem Romischenn kaÿser mochten widerstandt
thůn Aber da hertzog Vlrich důrch warhafftig vnterrichtůng vnnd
anzaigůng merckt das solch fůrnemen gar betrieglich werr. vnnd Im zů
nachtail angeschlagen. lies er Mesico greiffenn. Vnnd sein
fůrnemste Graůen totenn. vnd den Mesico mit sambt den andernn gefencklich
haltenn.

Als nůn Hertzog Boleslaw vonn Poln dise newe gezeiten vernam erschrack
er ser. vnnd schicket zůstůndt anndere botschafft zů dem hailigenn
kaÿser. fůrgebent grosse aber falsche demůt. vnnd lies dieselben
Botschafft vonn seinet wegenn allen gehorsam dem hailigenn kaÿserr
zulaistenn erbieten. Mit angeheffter vleÿssiger bit. der hailig kayser
wolt aůs kaÿserlicher gewalt. sein Sůn Mesico aůs des mergenanten
Hertzogen von Behem gefencknÿs ledig machenn Vnd ÿnn Im wider
zůschickenn. Also wart dem hailigenn kaÿser eingeben von etlichenn
solchem bitenn stat vnnd glawbenn zůgeben. Derhalben er
Graff Ditterich zů hertzog Vlrich schicket. gebietendt ÿm sein diener
Mesico ledig zúgebenn. Vnnd in kaÿn weg zůtotenn. Daraůff Hertzog
vlrich dise antwort gab. Mein herr der kaÿser ist mein zů allenn