Vnnd wolmaÿnůng seinem Vater zůschicket. Doch nam er von ÿm an
ain aÿdt. Das sein Vaterr vnnd er. Aůch ÿr freůntschafft dem Romischen
kaÿser. wider mit worten. nach werckenn wolten vngetrew vnnd
schedlich sein. Welchs wol geschwornn vnd geredt vbell verbracht,
vnd schelcklich von ÿnn wie hernachfolgen wirt, vbergangen wart.

Der hailig Romisch kaÿserr. Hainrich. itzt gemelter sachenn vnnd
sorgenn entbůnden was. zcog er in das Lanndt zů hessenn. Vnd
hielt die hailige Creůtzwochenn zů kaůffůngen. Darnach zcog
er gein Ÿmmedeshawsen. Vnd hielt die Pfingstenn daselbst.