Darnach fůhrr der hailig Romisch kaÿser. hainrich. am tag der erfindúng
des hailigenn merterers Sant Steffans vber die Odera vnd schlúg
sich mit den Polnn vnd behielt das feldt vnd den Sÿg. vnd es blÿbenn
vil Polnn tot. Aber vnter des hailigenn kaÿsers lewthen kamen
nit mer vmb dann Eckerick. Odo. vnd Gůntzelin. Vnd es bleiben
von den feÿnden wol Sechshůndert tot. vnd die andern wůrdenn
flůchtig. vnd liessen vill gůts hinder ÿn. Welchs den kaÿserischenn
zů gůt kam. Alsobald das hertzog Boleslaw erfúr. wer er den seinen
ser gernn zů hilff kůmmen. vnd dorfft doch den Sachssen vnnd
andern seinen feinden kain aÿngang machen vnd offen. Darúmb