Enntlich da der hailig kaÿser wolt wider heÿm zciehenn. legt er sich
Inn ain enge gegent an dem dorff Diadedisse Welchs
seyner Maiestat lewthen zů schadenn raicht Wann als hertzog
Boleslaw vonn poln erfůr das der kaÿser wolt ain andern weg.
Wider heÿm zciehenn dann er in das Lanndt kůmmen wass. lies
er seÿn Schlosser vnd Besetzůng an der Odera gelegenn aůffs
schleůnigst beůestenn. Vnnd da er vernam das der kaÿser
abgezcogenn was. schicket er ein hawffen FůssFolck den kaÿserischen
vorzůhaldenn. an dem endt. da sich das kaÿserisch heer lagerth.
mit beůelh allen vleÿs fůrzůwenden ab sie doch aůffs wenigst
den kaÿserischen kůnten ain schaden erzaigen. In mitlerr zeit
schicket hertzog Boleslaw von poln aůch sein Botschafft zů dem