vnbewant vnnd vnfrůchtbarr mocht sein Aůch angesehenn das sein heer
ser kranck wart. zcog er mit Hertzog Vlrichs von Behem Inn Behem
Vonn welchem er gar loblichenn wart entpfangen. Vnnd
erlichenn begabet.

Jnn mitler zeit was Hertzog Boleslaw vonn poln fůr Ritterschafft vnnd
Edellewt aůs dem Lanndt zů Mehern beÿ Im hett. zcogenn in das Landt
zů Behem. vnd gewanen ain Stat. vnnd gross gůt darÿnnen. Inn
hoffnůng die Nam mit ÿn von dannen zůbringen Aber
Marggraff Hainrich folgt ÿn nach. vnnd eraÿlt sie. Vnnd
erschlůg mer dann Taůsent der feÿndt. Vnd gewan ÿn wieder ab
alles was sie geraůbt hettenn.