Wendische Hertzogenn Boleslaw heraůs in die gegent zwischenn derr Elb
vnnd Mild gelegenn. vnd fůrten beÿ taůsent menschenn hinweg.
mit verherůng desselbenn Lands. Darnach zcogen sie heimlichen in
Behem. Inn hoffnůng freÿ vnnd sicher wie vor. gůt zůerlangen. Aberr
sie wůrdenn alle begriffenn vnd erschlagen. Vnd da sie hofftenn glůck
zůerwerbenn fůrten sie sich selbst Inn tot.

Als nůn der hailig kaÿserr. hainrich. aůs Behem gezcogenn vnnd gein
wortzÿn in Meÿssenn kůmmen was. lies er die Liuticios ein Wendisch
Folck also genant wider vmbzciehenn. Welche zůstůndt dem kaÿser clagten
wie das ÿrerr Gottÿn eÿn vnere widerfarn wer. Wann Nachdem