dieselb an aÿnem grossenn Paner gewalt was. hett sie Marggraff Hermans
vonn Meÿssen Ritter aÿner mit eÿnem steÿn důrchworffen Daůon sie
zů grossem zornn bewegt wůrdenn. Derhalben aůch sie vonn
dem hailigen kaÿserr zůerstattůng ÿres vermeinten schadenns zwolff
pfůndt entpfiengen. Da sie nůn entlich sie woltenn
wegzciehenn vber die Mildt. velorn [lies: verlorn] sie beÿ Wortzÿn ÿr Gottÿn mit
sambt Fůnfftzig trefflichenn vnnd teůrn mennern.

Darnach gab der hailig kaÿser. Hainrich. seÿnem heer erlawbnÿs wider
heimzůziehenn. Vnnd zcog gein Mersbůrg. Daselbst Hertzog
Boleslaw vonn poln Botschafft den kaÿserr. mit demůtiger erbiettúng
Verhiesch Ritterr Lůdolff Lang gehalten wider ledig zůzceln vnd seÿnerr