Inn solchenn vnd so schweren kriegsleůfften beschlossen dieses Romischen
Kaÿsers feindt auff eynem tag zů Colnn. die Romische konigliche kron
Hertzog. Iselbrecht. von lothringen zůgebenn. Vnnd diesenn
Romischen kaÿser also vmb die konigliche kron zůbringen Daraůff
aůch ein kostlich kron gemacht wart. die der Ertzbischoff. Brůno.
des Romischenn kaÿsers brůder seinem schwager dem Hertzogenn
vonn Lothringenn wolt aůfsetzenn. vnnd ÿn also zů Romischen
konig machenn. Wie dann weiter Inn benants Ertzbischoffs
lebenn folgenn wirt. Aber der Almechtig Got bewart
diesen Romischen kaÿser gleich wie vormals alleweg aůch vor vnfall.