Darnach zcog der hailig kaÿserr. Hainrich. von Bamberg gein Franckfort.
Da er den hailigenn Cristag. aůch die beschnaÿdůng Cristi erlichen wirdiget.
Nach Cristi gebůrt Tawsent. vnd darnach Im Achzehenden Iar. daselbst
aůch Ezelin in vorzeiten zů Rom gefangen. Vnd als er Viehr Jarr gefencklich
gesessenn was ledig gegebenn wartt.

Aůch wart der hailig kaÿser. hainrich. aůff vleÿssig vnd stete vorbit
Vom ErtzBischoff Gero von Magdebůrg. von Bischoff Arlnolff [lies: Arnolff] von
Halberstat. von Marggraff Herman. von Graff dittrich vonn
wittÿn. vnd von seiner kaiserlich Maiestat Cammermeister Fridrich
beweget ein frid vnd richtůng mit hertzog Boleslaw von poln zůmachen.
Welchs also zů Bůdezin in wenden gescheenn ist. Welcher frid aůch
mit dem aÿd bestetet vnnd becrefftigt wartt.