Der hailig kaÿser Hainrich. zcog nach vilfaltiger aůch schwererr
raÿssůng. aůff bit seines vettern konig Růdolffs von Bůrgúndien
gein Basell. Vnnd bracht eÿn ser gros heer zůsammen. In hoffnůng
die Bůrgůnder wol zůstraffenn. Daraůff zcog er aůch
In ÿr Lanndt zcog. Vnd sie mit ainem grossen heer vberfiel. Aber
er kert baldt wider vmb. vnd lies ab vonn solcher Raÿs. Wann er
merckt wenig freůndt vnd vil feindt vnd heÿmlicher misgůnner
Demnach der hailig kaÿser. hainrich. ain aÿnige hilff vnnd trost hett.
ann dem Bischoff Wernherr von Strasbůrg. Welcher aůff beůelh dises
Romischen kaÿsers wider die Bůrgůnder zcog. mit ÿn streÿt des feldt
behielt. der feÿndt vil erschlůg. Vnd gros gůt mit ÿm wegbracht.