vnnd vngehorsam sein. vnd sich aůch der halbenn zů Schalckesbůrg aůff dem
Schlos beůestenn. zcog er mit ainem heer fůr gedachte Stat. vnd belegt ÿn
vnnd machet da gůten frid. Als aber hertzog Bernharts vonn Sachssenn
brůderr Tethmar vmb kůmmen was. weÿch hertzog Bernhart der gerechtigkait.
vnd gab sich in gnad. die er aůch důrch vorbit der hailigenn kaÿserin
Sannt. Kůngůndt. erlangt. vnd sein hertzogthůmb damit behielt.

Vmb die zeit hett Graff Otto von francken das Schlos Hammersteÿn beůestet.
Aber nach dem er Inn Bann vnd vngehorsam lag. von wegen der vnbillichen Ee
zcog der hailig kaÿser hainrich. fůr dasselb Slos. vnd gewan es Im eingang des Jarss.